काठमाडौं, २१ माघ । प्रधानमन्त्री केपी शार्मा ओलीले प्रचण्ड–माधव समूहले नेपाली कांग्रेसका सभापति शेरबहादुर देउवालाई दुई वर्षका लागि प्रधानमन्त्री बन्न प्रस्ताव गरेको बताएका छन् ।
नेपाल भुमिहिन सुकुम्बासी संगठनले आयोजना गरेको कार्यक्रमलाई सम्बोधन गर्दै प्रधानमन्त्री ओलीले प्रचण्ड–माधव समूहले देउवालाई प्रधानमन्त्री बन्न आग्रह गरेको बताएका हुन । सभापति देउवा र नेकपा अध्यक्ष माधवकुमार नेपालको भेटवार्ताका क्रममा अध्यक्ष नेपालले देउवालाई प्रधानमन्त्रीको लागि प्रस्ताव गरेको ओलीले आरोप लगाएका हुन ।
प्रधानमन्त्री ओलीले भने– ‘अस्ति माधव नेपाल १८ गते शेरबहादुर देउवाजीकाँ गका थिए । रामका अगाडी हनुमान घुँडा टेकेर प्रणाम गर्छन् नि माधव त्यसरी नै बसेका थिए । अब दुई वर्षको प्रधामन्त्री तपाई नै हो । तपाईलाई नै दिन्छौं । दुई वर्षको प्रधानमन्त्री खानुस लेखेर दिन्छौं । सही गरेर दिन्छौं भनेर निस्के ।’
आफुले बहुमत ल्याउने बताउँदा आशंका गरिएको भन्दै प्रधानमन्त्री ओलीले आफ्नै पक्षमा बहूमत आउने समेत दोहोर्याएका छन् । उनले भने– ‘जनताले हामीलाई बाहेक कसलाई भोट दिन्छन् ? अन्त भोट दिने ठाउँनै छैन । त्यसैले हाम्रै बहुमत आउँछ ।
