कैलाली, २२ माघ । कैलालीमा नेपाली सेनाले बख्तरबन्द प्रदर्शन गरेको छ । प्रचण्ड–माधव र ओली समूहको छुट्टाछुट्टै प्रदर्शन चलिरहेको समयमा नेपाली सेनाले ४ वटा बख्तरबन्दले धनगढी बजार परिक्रमा गराएको हाे ।
धनगढीको ट्राफिक चौराहामा नेकपाका दुवै समूहले प्रदर्शन गरिरहेको बेलासेनाले बख्तरबन्द प्रदर्शन गरेपछि केहीबेर युवाहरू तितरवितर भएका थिए । धनगढीमा प्रचण्ड–माधव समूहले आज प्रदर्शन गरिरहेको थियो । त्यसैको विरोधमा ओली गुटले पनि त सडकमा आएका थियो ।
नेकपाको प्रचण्ड–माधव समूहले आह्वान गरेको आमहड्तालकै दिन सडकमा सेनाका गाडी देखिएपछि स्थानीय ससंकित भएका छन् । सेनाले यसलाई नियमित अभ्यास भनेको छ ।
प्रतिनिधिसभा विघटनसँगै राजनीतिक अवस्था तरल रहेको बेला सेनाले बख्तरबन्द गाडीको सडकमा देखिन थालेका छन् । यसअघि माघ १९ गते सेनाले काठमाडौंका सडकमा सेनाका १० बख्तरबन्द गाडी प्रदर्शन गरेको थियो ।
