काठमाडौं, २७ माघ ।
आगामी माघ ३० गते शुक्रबार सरकारले देशरभी सार्वजनिक बिदा दिने भएको छ । सोनाम ल्होसारको उपलक्ष्यमा बिदा दिने निर्णय भएको हो ।
सोमबार बसेको मन्त्रिपरिषद्को बैठकले बिदा दिने निर्णय गरेको छ । गत वर्ष प्रकाशित सार्वजनिक बिदाको सूचिमा ३० गते बिदा थिएन । सरकार कामचलाउ बनेपछि विभिन्न समुदायलाई खुशी बनाउन बिदा दिने प्रचलन बढेको छ । यसले देशको अर्थतन्त्रमा भने ठुलो असर पर्ने अर्थविद्हरु बताउँछन् । सोही कारण नै यही सरकारले सार्वजनिक बिदा कटौती गरेको थियो ।
