काठमाडौं, २८ माघ । नेपाल कम्युनिष्ट पार्टी नेकपा (प्रचण्ड–माधव) समूहका नेता जनार्दन शर्मा (प्रभाकर)ले केपी ओली प्रवृत्तिको गम्भीर समिक्षा गर्नुपर्ने बताएका छन् ।
प्रधानमन्त्री केपी शर्मा ओलीको असंवैधानिक कदमविरुद्ध काठमाडौंमा आयोजना गरेको विरोधसभालाई सम्बोधन गर्दै नेता शर्माले ओली प्रवृत्तिबारे गम्भीर समिक्षा गर्नुपर्ने बताएका हुन ।
सभालाई सम्बोधन गर्दै नेता शर्माले भने– ‘केपी ओलीलाई गाली गर्ने मात्र नभएर ओली प्रवृत्ति कसरी पैदा भयो भन्नेबारे गम्भीर समिक्षा गर्नुपर्छ । ओली प्रवृत्तिको समिक्षा नभए देशमा बारम्बार महेन्द्रहरु, ओलीहरु जम्निरहने छन् । ओली प्रवृत्ति जन्माउन मेरो भूमिका छ भने म जिम्मा लिन तयार छु ।’
