काठमाडौं, २९ माघ । बार्सिंलोना कोपा डेल रेको सेमिफाइनलको पहिलो लेगमा सेभियासँग पराजित भएको छ । बुधबार राति भएको खेलमा सेभियाले बार्सिलोनालाई २–० ले पराजित गरेको हो ।
सेभियालाई जीत दिलाउन जुलेस कोउन्डे र बार्साका पूर्व खेलाडी इभान र्याकिटिचले गोल गरेका थिए । पहिलो हाफमा कोउन्डेले आफ्नो पेनाल्टी एरियाबाट बललाई अघि बढाउँदै बार्सिलोनाका चार खेलाडीलाई छलाएर उत्कृष्ट गोल गरे । र्याकिटिचले दोस्रो हाफको अन्त्यमा गोल गर्दै सेभियाको जीत सुनिश्चित गरे ।
खेलको अन्त्यतिर लियोनेल मेस्सीको प्रहारलाई सेभियाका गोलकिपरले बचाऊ गरेका थिए । जुलेन लोपेटेगुईको टोलीले अब ३ मार्चमा क्याम्प नाउमा दोस्रो लेग खेल्नेछ ।
