काठमाडौं, ३ फागुृन ।
महानगरीय अपराध महाशाखाका प्रमुख फेरिएका छन् । चन्द्रकुबेर खापुङलाई महाशाखामा सरुवा गरिएको छ ।
महाशाखाका प्रमुख रहेका दीपक थापालाई हटाइएको छ । खापुङ विवादास्पद पृष्ठभुमी भएका प्रहरी अधिकृत हुन् । दरबारमार्ग वृत्तमा हुँदा डनहरुसँगको साँठगाँठ देखिएपछि उनलाई हटाइएको थियो । उनको अख्तियारका प्रमुख आयुक्त प्रेम कुमार राईसँगको निकटता छ ।एसएसपी थापालाई १० महिनामा नै हटाइएको छ ।
कार्यकाल नपुगी आकस्मिक रुपमा उनलाई हटाउनुका पछाडी उनको गल्ती पत्ता लगाइएको बताइएको छ । थापाको भर्ना छनौट शाखामा सरुवा भएको छ । त्यस्तै नेपाल प्रहरीको लुम्बिनी प्रदेश कार्यालयमा मधुसुदन लुइटेललाई पठाइएको छ भने त्यहाँ कार्यरत हिरराज वाग्लेको कार्य तथा अपराध अनुसनधन विभागमा सरुवा भएको छ ।
