एजेन्सी । अफ्रिकी मुलुक डीआर कंगोमा इटालीका राजदूत लुका एटानासियो मारिएका छन् ।
आतंकवादीको आक्रमणमा परेर इटालिएन सेनासहित लुकाको मृत्यु भएको इटालीको विदेश मन्त्रालयले सोमबार जानकारी दिएको छ ।
आक्रमणकारीले सुरुवातमा राष्ट्रसंघको गाडीमा सवार उनीहरुलाई कान्यामाहोरो भन्ने स्थानबाट अपहरण गर्न खोजेको थियो ।
स्थानीय समयअनुसार १० बजेर १५ मिनेटमा अपहरणको प्रयास गरिएको थियो तर अपहरणको प्रयास असफल भएपछि उनीहरुमाथि आक्रमण भएको थियो ।
राजदूत एटानासियो सन् २०१९ मा कंगोका लागि राजदूत नियुक्त भएका थिए ।
