काठमाडौं । पूर्व मिस नेपाल श्रृँखला खतिवडाले विश्वकै चर्चित विश्वविद्यालय हार्वर्डमा पढ्ने भएकी छिन् ।
अमेरिकाको बोस्टनमा रहेको हार्वर्ड विश्वविद्यालयमा खतिवडाले अर्बान प्लानिङ (सहरी विकास योजना) विषयमा स्नातकोत्तरमा भर्ना पाएकी हुन् ।
हार्वर्डबाट अध्ययनको लागि स्वीकृति पाएसँगै उनले सामाजिक सञ्जाल इन्स्टाग्राममा खुसियाली साटेकी छन् ।
उनले भनेकी छन्, ‘यो मेरा लागि अहिलेसम्मकै खुसीको कुरा हो। कसरी व्यक्त गरुँ!’ मिस नेपाल आयोजक संस्था द हिडन ट्रेजरले पनि श्रृंखलालाई बधाइ दिँदै उनको उच्च शिक्षा अध्ययनका लागि शुभकामना व्यक्त गरेको छ ।
खतिवडा सन् २०१८ मा मिस नेपाल बनेकी थिइन्।
