विमानस्थलमा तस्करीको १६ तोला सुन बरामद

काठमाडौं, १९ फागुन ।
तस्करीको करिब १६ तोला सुनसहित एक युवक विमानस्थलमा पक्राउ परेका छन् ।

.स्याङ्जा चापाकोट – ६ स्थायी वतन भएका नगेन्द्र कुमार रानालाई प्रहरीले पक्राउ गरेको हो । यस त्रिभुवन अन्तर्राष्ट्रिय विमानस्थलको अन्तर्राष्ट्रिय आगमनतर्फको नयाँ पार्किङ एरियाको थकाली भन्छाघर नजिक आई हिमालय एयरलाइन्सको उडानद्वारा दुवईबाट काठमाण्डौं आगमन भएका यात्रुहरुलाई भन्सार छली गर्न लगाई सुन जस्तो देखीने पहेँलो धातुको बाला थान– ३ र औठी थान–२ सहित उनलाई प्रहरीले पक्राउ गरेको हो । बरामद सुन एक सय ८६.५ ग्राम रहेको प्रहरीले जनाएको छ । भन्सार कार्यालयले पक्राउ परेका उपर कारबाही अघि बढाएको छ ।