गरिबको नाममा कम्पनि खोलेर पौनै दुई अर्बको कमाउने व्यापारी राजश्वको फन्दामा

काठमाडौं, २१ फागुन ।
गरिब व्यक्तिहरुको नाममा कम्पनी खोलेर करोडौं कमाउने दुई व्यापारी पक्राउ परेका छन् । राजश्व अनुसन्धान विभागले उनीहरुलाई पक्राउ गरी मुद्दा दायर गरेको छ । जय किशोर साह तथा मुकेश साहलाई विभागले पक्राउ गरेको हो।

विभागको बिज्ञप्तीमा भनिएको छ,‘ ज्याला मजदूरी गर्ने अनपढ व्यक्तिहरुलाई प्रलोभनमा पारी निजहरुको नाममा कम्पनी खोली त्यस्ता कम्पनिबाट वास्तविक रुपमा मालबस्तुको खरिद बिक्री कारोबार नै नगरी झुट्टा बिजक जारी गरी राजस्व चुहावट गरेको ।कम्पनीको दर्तावाला व्यक्ति र अन्य कुनै एक आफू नियन्त्रित व्यक्तिलाई कर्मचारीकोरुपमा राखी खाता संचालन गर्न लगाई संगठितरुपमा राजस्व चुहावट गरेको पाइयो ।
प्रतिवादीहरु जय किशोर साह तथा मुकेश साह समेतले विभिन्न व्यक्तिहरुको नाममा ब्यापारिक फर्म दर्ता गरी गराई निजहरु सम्बद्ध तपशिलको तालिकामा उल्लेख भएका फर्महरु मार्फत् झुट्टा तथा नक्कली कर विजक जारीगरी मूल्य अभिवृद्धि कर र आयकर छली गरेको प्रमाणित भएकाले राजस्व चुहावट (अनुसन्धान तथा नियन्त्रण) ऐन २०५२ को दफा ४ (क), (ख)र (घ)बमोजिमको कसुर गरेको देखिएकाले मूल्य अभिवृद्धि कर ऐन, २०५२ वमोजिम दाखिला गर्नुपर्ने मूल्य अभिवृद्धि कर, सोही ऐनको दफा २९ (१ग) र २९ (२) वमोजिमको जरिवाना ऐ ऐनको दफा १९ बमोजिमको थप दस्तुर र ऐ ऐनको दफा २६ वमोजिमको ब्याज रु.६५,४४,२८,२३७।( (अक्षरुपीः पैसठी करोड चौवालिस लाख आठ्ठाईस हजार दुई सय सैतिस मात्र) तथा आयकर ऐन, २०५८ को दफा ४ सँग सम्बन्धित अनुसूची १ को दफा २(१) बमोजिम करयोग्य आयमा २५ प्रतिशतको दरले दाखिला गर्नुपर्ने आयकर, सोहि ऐनको दफा १२०(ख) बमोजिम शुल्क,दफा ११८ र ११९ बमोजिम ब्याज समेतले हुने जम्मा रु.१,०९,९९,८१,९९३।( (अक्षरुपीः एक अर्ब नौ करोड उनान्सय लाख एकासी हजार नौं सय तिरानाब्बे रुपैंया मात्र) राजस्व चुहावट गरेकाले राजस्व चुहावट (अनुसन्धान तथा नियन्त्रण ) ऐन २०५२ को दफा (२) (छ १) बमोजिम रु.१,७५,४४,१०,२३०।( (अक्षरुपीः एक अर्व पचहत्तर करोड चवालिस लाख दश हजार दुई सय तीस मात्र) बिगो कायम गरी निज प्रतिवादीलाई बिगो बापतको रकम असुल गरी सोहि ऐनको दफा २३ (१) बमोजिम बिगोको दोब्बर सम्म जरिवाना र तीन वर्ष सम्म कैद सजाय मागदावी गरी काठमाण्डौ जिल्ला अदालतमा मिति २०७५।०९।१९ मा मुद्दा दायर गरिएको छ ।’

यी हुन् उनीहरुले खोलेका कम्पनि-