काठमाण्डौ, २७ फागुन
प्रहरीलाई घुस दिने व्यक्ति भक्तपुरमा पक्राउ परेका छन् ।
महानगरीय प्रहरी वृत्त ठिमीबाट खटिएको प्रहरी टोलीले यही फागुन २६ गते राती ११ बजे मध्यपुर सानोठिमी मनोहरा सडकमा बा. २ .ख ७२७१ नम्बरको मिनी टिपरलाई चेकजाँच गर्ने क्रममा लाईसेन्स नभएको र चालकले रूट प्रमिट भित्र नगद १ हजार १ सय ५० रूपैया राखि प्रहरीलाई दिएकाले उक्त रकम सहित बालुवा लोड भएको टिपर र चालक काठमाण्डौ काँडाघारी बस्ने सिन्धुपाल्चोक चौतारा नगरपालिका १० का मन्दिर माझीलाई प्रहरीले पक्राउ गरेको हो ।
पछिल्लो समय यसरी घुस दिनेहरु धमाधम पक्राउ परिरहेका छन् ।
