काठमाडौं । गाडीको ठक्करबाट डिउटीमा रहेका प्रहरी हवल्दारको ज्यान गएको छ ।
रुपन्देही, कंचन गाउँपालिका–४ थकाली चोकस्थित सडकमा हाल नम्बर नखुलेको सवारी साधनको ठक्करबाट पिकेट डिउटीमा रहेका ईलाका प्रहरी कार्यालय रुद्रपुर रुपन्देहीमा कार्यरत प्युठान ऐरावती गाउँपालिका–२ घर भएका ३५ वर्षीय प्रहरी हवल्दार कर्ण बहादुर बुढामगरको बिहीबार बिहान मृत्यु भएको छ । ठक्करबाट गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो । ठक्कर दिने सवारी साधनको प्रहरीले खोजी भइरहेको रुपन्देही प्रहरीले जनाएको छ ।
