काठमाडौं । गत २४ घण्टामा देशभर २१४ जना कोरोना संक्रमितको मृत्यु भएको छ । योसँगै कोरोना संक्रमित मृतकको संख्या ५ हजार २ सय १५ पुगेको स्वास्थ्य तथा जनसंख्या मन्त्रालयले जनाएको छ।
आज देशभर ९ हजार २ सय ४७ जना संक्रमित थपिएका छन् । २१ हजार ६ सय ५३ जनाको पिसिआर गर्दा ९ हजार १ सय ९८ जना र एन्टीजेन गर्दा ४९ जनामा कोरोना पुष्टि भएको हो।
कुल संक्रमितमध्ये हाल १ लाख १३ हजार ४ सय ८० जना सक्रिय संक्रमित छन् । हाल ७ सय ८ जना संक्रमित क्वारेन्टाइनमा छन् । गत २४ घण्टामा ५ हजार ७ सय ६७ जना उपचारपछि डिस्चार्ज भएका छन्।
