काठमाडौं । नेपालमा कोरोना भाइरस (कोभिड–१९)बाट मृत्यु हुनेको संख्या ६ हजार नाघेको छ । स्वास्थ्य तथा जनसंख्या मन्त्रालयका अनुसार हालसम्म नेपालमा कोरोनाबाट मृत्यु हुनेको संख्या ६ हजार २४ पुगेको छ ।
पछिल्लो २४ घण्टामा मात्रै देशभर १७७ जना कोरोना संक्रमितको मृत्यु भएको छ । आज देशभर ८ हजार ६ सय ७ जना संक्रमित थपिएका छन् ।
मन्त्रालयका अनुसार देशभरका विभिन्न प्रयोगशालामा गरिएको पिसिआर र एन्टीजेन परीक्षणमा ६ सय ७ जनामा संक्रमण भेटिएको हो। पिसिआर विधिबाट ८ हजार ६ सय ७ र एन्टीजेन विधिबाट २ सय जना संक्रमित पुष्टि भएका हुन् ।
आज देशभर ७ हजार ८९० जना संक्रमित निको भएका छन् । देशभर ९१२ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ ।
