काठमाडाैं । सरकारले प्रतिनिधिसभा विघटन गर्न राष्ट्रपतिलाई सिफारिस गरेको छ । प्रतिनिधिसभाको निर्वाचनका लागि कात्तिक २६ र मंसिर ३ गतेको मिति तोकेर विघटन गर्न राष्ट्रपति समक्ष सिफारिस गरेको हो ।
राष्ट्रपति विद्यादेवी भण्डारीले संविधानको धारा ७६ को उपधारा ५ वमोजिम प्रधानमन्त्रीमा दाबी गर्ने एमाले अध्यक्ष केपी शर्मा ओली र कांग्रेस सभापति शेरवहादुर देउवा दुवै जनाको बहुमतको आधार प्रस्तुत गर्न नसकेको ठहर गरेपछि प्रतिनिधिसभा संवैधानिक रुपमा विघटन भएको हो ।
संविधानको धारा ७६ को उपधारा ७ मा उपधारा ५ बमोजिम सरकार बन्न नसकेमा प्रधानमन्त्रीको सिफारिसमा राष्ट्रपतिले प्रतिनिधि सभा विघटन गरी ६ महिनाभित्र अर्को प्रतिनिधि सभाको निर्वाचन सम्पन्न हुने गरी निर्वाचनको मिति तोक्ने प्रावधान छ ।
सोही अनुसार सरकारले निर्वाचनको मिति तोकेको हो ।
