कोरोनाबाट निको हुनेको संख्या बढ्यो, एकैदिन ८ हजार ८४८ डिस्चार्ज

काठमाडौं । कोरोना संक्रमणको दर नघटेपनि निको हुने संक्रमितको संख्या भने बढेको छ ।

पछिल्लो २४ घण्टामा मात्रै नेपामा ८ हजार ८४८ जना संक्रमित निको भएका छन् । अहिलेसम्म ३ लाख ८३ हजार ६ सय ४८ संक्रमणमुक्त भएको स्वास्थ्य मन्त्रालयले जनाएको छ

गत २४ घण्टामा देशभर १२९ जना कोरोना संक्रमितको मृत्यु भएको छ । योसँगै कोरोना संक्रमित मृतकको संख्या ६ हजार १५३ पुगेको स्वास्थ्य तथा जनसंख्या मन्त्रालयले जनाएको छ ।

आज देशभर ८ हजार ९ सय ८० जना संक्रमित थपिएका छन् । हाल देशभर ८८६ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ ।