कोरोनाबाट १६९ जनाको मृत्यु, ८ हजार ६३६ जना संक्रमित

काठमाडौं । कोरोना भाइरस संक्रमणबाट थप १६९ जनाको मृत्यु भएको छ । योसँग नेपालका कोरोना संक्रमणाबाट मृत्यु हुनेको संख्या ६ हजार ७ सय पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ८ हजार ६३६ जना संक्रमित थपिएका छन् । पीसीआर विधिबाट २२ हजार ६०६ को परीक्षण गर्दा ८ हजार ३८६ र एन्टिजेन विधिबाट ६३० जनाको परीक्षण गर्दा जम्मा २४९ जनामा संक्रमण पुष्टि भएको हो ।

यससँगै देशभर कोरोना संक्रमितको कुल संख्या ५ लाख २८ हजार ८४८ पुगेको छ भने निको हुनेको संख्या ४ लाख ४८ हजार ८७ पुगेको छ ।

यस्तै हाल देशभर सक्रिय संक्रमित संख्या १ लाख १७ हजार २६१ रहेका छन् ।