काठमाडौं । प्रतिनिधिसभा बिघटनको बिरुद्ध सर्वोच्चमा रिट निवेदन दिएका बिपक्षी दलले मुद्धालाई बलियो बनाउन कानूनविद्संग छलफल गरेको छ ।
बुधबार कांग्रेस संसदीय दलको कार्यालय सिंहदरबारमा कांग्रेस, माओवादी लगायतका बिपक्षी दलका दोश्रो तहका नेताहरुले मुद्धालाई छिटो छरितो ढंगले सफल बनाउन कानूनविद्संग छलफल गरेको हो ।
माओवादी केन्द्रका नेता देव गुरुङले मुद्धालाइ सहि र न्यायिक ढंगले निरुपण गर्न दल र वकिहरुबाट खेल्नुपर्ने भूमिका र बहसको सन्दर्भमा छलफल भएको बताए ।
उनले अदालतबाट सुरुमा नै स्टे अर्डर पाउनुपर्ने भन्ने आफुहरुको बुझाई रहेको र स्टे अर्डर ल्याउनका लागि नै प्रयास र पहल गर्नुपर्नेमा जोड रहेको जिकिर गरे ।
प्रतिनिधिसभा पुनःस्थापना र नेपाली कांग्रेसका सभापति शेरबहादुर देउवालाई प्रधानमन्त्रीमा नियुक्त गर्न माग गर्दै बिपक्षी गठबन्धनले सोमबार सर्वाेच्च अदालतमा रिट निवेदन दिएका थिए ।
