सुनसरी । धरानमा गुन्डागर्दीमा संलग्न एक समूहले प्रहरी चौकीमा नै आक्रमण गरेको छ । आक्रमणमा असइसहित पाँच प्रहरी घाइते भएका छन् ।
धरान १५ बाझगरस्थित प्रहरी चौकीमा एक समूहले आक्रमण गरेको हो । मास्क लगाएर गएका उनीहरुले जर्बजस्ती प्रहरी कार्यालयमा पुगेर प्रहरीलाई समेत कुटेका हुन् ।
एक स्थानीय युवा प्रसन्न लिम्बु उनीहरुविरुद्ध जाहेरी लिएर गएमा उनलाई खोज्नै प्रहरीमाथि समेत कुटपिट गरेका हुन् । लिम्बुलाई जोगाउन खोज्दा सो समूहले प्रहरीमाथि समेत आक्रमण गरेको इप्रका धरानका इन्सपेक्टर हेमराज ओलीले बताए ।
घटनामा चौकीका इन्चार्ज सुमन दाहालसहितका प्रहरी घाइते भएका छन् । असई दाहालको टाउकोमा चोट लागेकाले अस्पताल भर्ना गरिएको छ । आक्रमणपछि ती युवाहरु भागेका थिए । उनीहरु गुन्डागर्दीमा संलग्न व्यक्तिहरु भएको खुलेको छ ।
