काठमाडौं । पूर्वप्रधानमन्त्री तथा जनता समाजवादी पार्टी, नेपाल (जसपा)का संघीय परिषद अध्यक्ष डा. बाबुराम भट्टराईले एमाले मिलेपछि अक्षम्य राष्ट्रघात सबै माफ हुन्छ ? भन्दै प्रश्न गरेका छन् ।
प्रधानमन्त्री तथा नेकपा एमालेका अध्यक्ष केपी शर्मा ओलीले आइतबार साँझ सार्वजनिक बक्तव्यमार्फत पार्टी एकताका लागि २०७५ जेठ २ को अवस्थामा फर्कन तयार रहेको बताएपछि डा. भट्टराई यस्तो प्रश्न गरेका हुन् ।
राती ट्वीट गर्दै डा. भट्टराईले भनेका छन्– ‘एमाले २०७५ जेठ २ को अवस्थामा फर्केको अवस्थमा ओलीले गरेका २–२ पटकका संसद विघटन, संवैधानिक अंगहरूको अवैध कब्जा, यति÷ओम्नी लगायतका अर्बौंको भ्रष्टाचार, सांसद अपहरण, कोरोना पीडित लाखौंको विचल्ली, अक्षम्य राष्ट्रघात सबै माफ हुन्छन् ?’
एमाले कणहरूसंग जिज्ञासा:तपाईंहरू सबै जेठ ३ मा फर्केर एउटै चूलामा बाक्लो दालसहित भातभान्सा गरेमा त्यस यता ओलीले गरेका २/२पटकका संसद विघटन,संवैधानिक अंगहरूको अवैध कब्जा,यति/ओम्नी लगायतका अर्बौंको भ्रष्टाचार,साॅसद अपहरण,कोरोनापीडित लाखौंको विचल्ली,अक्षम्य राष्ट्रघात सबै माफ हुन्छन्?
— Baburam Bhattarai (@brb1954) June 6, 2021
