पोखरा । गण्डकी प्रदेशका मुख्य न्यायाधिवक्ता राजेन्द्र घिमिरेले पदबाट राजीनामा दिएका छन् । घिमिरेले आज बिहान राजीनामा दिएका हुन् । तत्कालीन मुख्यमन्त्री पृथ्वीसुब्बा गुरुङले घिमिरेलाई २०७४ फागुन २१ मा नियुक्त गरेका थिए । उनले प्रदेशप्रमुख सीताकुमारी पौडेललाई राजीनामा बुझाएका हुन् ।
उनको राजीनामापत्रमा आफ्नो क्षमताले भ्याएसम्म संघीयता कार्यान्वयनको पक्षमा प्रदेशको अधिकारको रक्षा, प्रदेशमा कानुन निर्माणमा सहजीकरण, स्थानीय तहमा कानुन तर्जुमा सहजीकरण समिति समेतमा रही संवैधानिक र कानुनी कर्तव्य पालना गर्न इमानदारीपूर्वक कार्य गरेको उल्लेख गरेका छन् ।
