एजेन्सी । युरोकप फुटबल अन्तर्गत आजको अन्तिम खेलमा स्पेन र स्विडेन प्रतिस्पर्धा गर्दैछन् ।
स्पेनको घरेलु भुमि एस्टोडियो डे ला कार्टुजामा हुने स्पेन र स्विडेनबीचको खेल नेपाली समय अुनसार राती १२:४५ बजेबाट शुरु हुनेछ । युरोकप २०२० को आफ्नो पहिलो खेलमा यि दुवै टिम जितसहित सुखद शुरुवातको चाहनामा मैदानमा उत्रनेछ ।
समूह ‘ई’ मा रहेका दुई टिमबीच यस अघि मुख्य प्रतियोगितामा तीन खेलमा प्रतिस्पर्धा भएको छ । जसमा स्पेनले दुई खेलमा जित निकाल्दा स्विडेनले एक जित निकालेको छ । आजको खेल दुई टिमबीचको चौंथो भेट हुनेछ ।
ठुला प्रतियोगिताको पछिल्लो पाँच सुरुवाती खेलमा स्पेनले १ खेल मात्र जितेको तथ्यांक रहेको छ । स्विडेनले पछिल्लो आठ युरोपियन च्याम्पियनसिपमा ६ खेल गुमाएको तथ्यांक रहेको छ ।
