काठमाडौं । अविरल वर्षापछि मेलम्चीमा आएको बाढीका कारण धेरै मानिस सम्पर्कविहीन बनेका छन् । बाढीले मेलम्ची बजार, हेलम्बुको तिम्बु बजार र चनौटे भन्ने बजार पनि डुबानमा पारेको छ । मेलम्ची बजारका धेरै मानिस सम्पर्क विहीन छन् ।
अविरल वर्षाका कारण मेलम्ची नदीमा आएको बाढीले हेलम्बु बजार डुबाउँदा ७ जनाको मृत्यु भएको छ । मंगलबार साँझ आएको बाढीले बगाएर ७ जनाको मृत्यु भएको सिन्धुपालचोकका प्रमुख जिल्ला अधिकारी अरूण पोखरेलले जानकारी दिए ।
बाढीले अन्य बजारसमेत डुबाएकाले अरु व्यक्तिको पनि मृत्यु भएको हुनसक्ने अनुमान गरिएको भए पनि थपुष्टि भने भएको छैन ।
मेलम्चीको होटल रोजको छ्तमा दुईजना युवाहरु उद्वारको लागि गुहार मागिरहेको भन्दै सामाजिक संजालमा तस्बीर सार्वजनिक भएको छ । उक्त तस्बीरमा नदीले पुरौ बजार डुबाएको देखिन्छ ।
