न्यूरोडमा बालिका बलात्कार, रिक्सा चालक पक्राउ

काठमाडौं । काठमाडौंको न्यूरोडमा पार्किङ गरेर राखेको गाडीको आडमा एक बालिका बलात्कृत भएकी छिन्।

काठमाडौं महानगरपालिका–२३ जुद्धशालिक धर्मपथस्थित पुरानो नगरपालिकाको खाली जग्गामा पार्किङ गरेर राखेको गाडीमा शनिबार बालिका बलात्कृत भएको प्रहरीले जनाएको छ । पीडित बालिका खेलेर घर फर्कने क्रममा उनले बलात्कार गरेका हुन् । स्थानीयले देखेर उनलाई नियन्त्रणमा लिएका थिए ।

बलात्कारको आरोपमा वृत्त जनसेवाबाट खटिएको प्रहरी टोलीले धादिङ धुनिवेशी नगरपालिका–१ घर भएका ३५ वर्षीय सूर्य तामाङलाई पक्राउ गरेको छ। उनी रिक्सा चालक हुन् । यसअघि विभिन्न झै झगडाका घटनामा पक्राउ परेका व्यक्ति हुन् ।
तामाङविरुद्ध जबरजस्ती करणको कसूरमा म्याद लिएर अनुसन्धान सुरु गरिएको वृत्त जनसेवाले जानकारी दिएको छ।