कालिकोटमा जिप दुर्घटना हुादा एक जनाको मृत्यु, ४ जना घाइते

काठमाडौं । कालिकोटमा जिप दुर्घटना हुँदा एक जनाको मृत्यु भएको छ । रास्कोट नगरपालिका वडा नम्बर ६ सन्नीघाटमा मंगलबार बिहान जिप दुर्घटना हुँदा ३६ वर्षीय पम्फा फडेराको मृत्यु भएको हो ।

प्रहरीका अनुसार रास्कोटबाट क १ ज २३ नम्बरको उक्त जिप जितेगढा बजार आउँदै गर्दा दुर्घटनामा परेको थियो ।

प्रहरीका अनुसार दुर्घटनामा चार जना घाइते छन् । घाइतेको स्थानीय स्वास्थ्य संस्थामा उपचार गरिएको छ ।

जिपमा चालकसहित १२ जना सवार थिए । ओरालो सडकमा अनियन्त्रित भएर जिप दुर्घटनामा परेको प्रहरीको भनाइ छ ।