काठमाडाैं । आज नेप्से परिसूचक १३ दशमलव ९७ अंकले बढ्दै २ हजार ९ सय ९४ दशमलव ५८ विन्दुमा रोकिएको छ ।
बजार खुलेको ६ मिनेटमा नै ४७ अंकले बढ्दै नेप्सेले तीन हजार ३१ विन्दु पार गरेको थियो । आज ३ करोड ७५ लाख ७१ हजार ३५४ कित्ता सेयर किनबेचमा ११ अर्ब ८१ करोड ३७ लाख ५४ हजार ६०७ रूपैयाँ कारोबार भयो ।
यस दिन सेन्सेटिभ इण्डेक्स ० दशमलव ०२ अंक घटेर ५ सय ६० दशमलव ९४ विन्दुमा पुगेको हो। यता, यस दिन फ्लोट इण्डेक्स ० दशमलव ८३ अंक र सेन्सेटिभ फ्लोट इण्डेक्स ० दशमलव ११ अंक बढेको छ।
कारोबारमा आएका १३ उपसमूहमध्ये ८ उपसमूहको परिसूचक बढेको छ भने बाँकी ५ उपसमूहको परिसूचक यस दिन घटेको छ। व्यापार उपसमूहको परिसूचक सर्वाधिक ५ दशमलव २२ प्रतिशत बढेको छ।
त्यसैगरी, लगानी उपसमूहको परिसूचक १ दशमलव ४७ प्रतिशत बढेको छ। यस दिन फाइनान्स उपसमूहको परिसूचक सर्वाधिक १ दशमलव १७ प्रतिशत घटेको छ।
