काठमाडौं । नेकपा एमालेको युथ फोर्स भ्याली कमाण्ड घोषणा कार्यक्रममा अध्यक्ष केपी शर्मा ओली अन्तिम समयमा रोकिएका छन् । प्रमुख अतिथीका रुपमा निम्तो दिइएको अध्यक्ष ओलीले व्यस्तताका कारण कार्यक्रममा नआएको जानकारी गराइएको छ । यसअघि ओलीले सपथ खुवाउने कार्यक्रम तय भएको थियो ।
कार्यक्रममा बोल्दै महासचिव ईश्वर पोखरेलले अध्यक्ष ओली कार्य व्यस्तताका कारण उपस्थित हुन नसकेको जानकारी दिए । कार्यक्रममको प्रमुख अतिथी पनि पोखरेललाई नै बनाइएको थियो ।
एमालेका दुवै पक्षमा पछिल्लो समय संगठनको घोषणामा प्रतिष्पर्धा नै चलेको छ । संस्थापन पक्षले युथफोर्स ब्युँताएपछि बरिष्ठ नेता माधवकुमार नेपाल पक्षले अखिल फोर्स बनाएको थियो । बिहीबारमात्रै नेपाल पक्षले पिपुल्स भोलेन्टियर समेत घोषणा गरेको थियो ।
