काठमाडौं । आज राष्ट्रिय योजना आयोगका उपाध्यक्ष र सदस्यहरुले सपथ ग्रहण गर्दैछन् । उनीहरुको सपथ ग्रहण बिहान साढे नौ बजे निर्धारण गरिएको छ ।
राष्ट्रिय योजना आयोगको उपाध्यक्षमा विश्वनाथ पौडेललाई गत मंगलबार बसेको मन्त्रिपरिषद बैठकले नियुक्त गर्ने निर्णय गरेको थियो । यसैगरी आयोगको सदस्यहरुमा रामकुमार फुयाँल र दिलबहादुर लिम्बु नियुक्त भएका छन् ।
राष्ट्रिय योजना आयोग देशको विकास योजना तथा नीति तर्जुमामा सल्लाह दिने उपल्लो निकाय हो । यसको अध्यक्षता प्रधानमन्त्रीले गर्दछन् ।
आयोगमा एक जना पूर्णकालीन उपाध्यक्ष, आठ जना सदस्यहरू र एक जना सदस्य सचिव रहने व्यवस्था छ । नेपाल सरकारको मुख्य सचिव र अर्थ सचिव समेत आयोगमा पदेन सदस्य रहन्छ ।
